Sigmar Stocker zum Ende des Narrenjahrs in Terlan1 min read

Reading Time: < 1 minute

Die Terlaner Ratsherren haben am Faschingsdienstag Bürgermeister Klaus Runer den Rathausschlüssel und die Rathausglocke zurückgegeben. Die Stimmung war natürlich herzzerreißend! Gleichzeitig wurde der Umzug zu Grabe getragen. 

Hier die Begräbnisverse dazu: 

Kundmachung der Terlaner Ratsherren:

In Umzug von huier kennen mir net unerwähnt lossen,

1000de Leit auf olle Stroßen und Gossen!

Pansele, Pansele!

Gsoffn, gschpieben und gfetzt isch gworden überoll,

die Medien hobm gmocht an riesen Knoll!!

Pansele, Pansele! 

Der Zug isch a nimmer weiterkemmen,

Ob zem wor vorbei mitn Umzug-Rennen.

Pansele, Pansele! 

Des wor zuviel, des kennen mir net hebm,

iaz hots a End mitn Umzug sein Leben.

Pansele, Pansele! 

Ober oans mechtn mir Ratsherren in aller Bescheidenheit sogn,

soviel Leit konn lei inser Verein noch Terlan hertrogn!

Pansele, Pansele!

Und du Bürgermoaschter bisch gwordn in gonzen Lond bekonnt,

für die Londtogswohlen brauchesch leimer fohrn mit insere Wogen ummanond!

Pansele, Pansele! 

Mit Aschermittwoch hot die Fostnocht endgültig a Ruah,

und Terlan brauch huier sowieso a bsundere Kur!

Pansele, Pansele!

In Umzug tian mir heint voll Traurigkeit begrobm,

Schod – dass mir die im irdischen Lebm nimmer hobm.

Pansele, Pansele! 

Foscht warsch du gworden 50 Johr,

ober wenn’s nimmer tuat – schließt man das Tor!

Pansele, Pansele! 

So Ruhe in Frieden und hob 1000send Donk,

für Schönes und Heiteres  – für Terlan und für’s Lond!

Pansele, Pansele! 

Ober wer woaß, vielleicht isches wia ban Wein?

Noch an letzen Johrgong – werd olm wieder a Guater sein!

Pansele, Pansele!

Und negschtes Johr, Bürgermoaschter, sein mir Ratsherren wieder do,

um einzufordern – a ohne Umzug – a nuis, Tiroler Norrenjohr!

Pansele, Pansele!

Sigmar Stocker

Vorsitzender der Terlaner Ratsherren

Foto/c-Walter Haberer